- Lyrics
- Album list
- Singer Intro
林強
-
溫泉鄉的槍子
Lyricist:陳世傑/林強 Composer:王治平/林強 Arranger:王治平
來來來各位兄弟姊妹我來講乎您大家聽 不是在古早古早是發生在這九十年代的台北城 故事緊張離奇香豔刺激親像電影在咧頭前扮 保證聽了乎你粥飯吃(勿會)落歸天皮皮掣 我的朋友有一暗說要出門飲酒洗溫泉 伊就偷偷啊開車去北投去找伊那個寶貝小心肝 伊講查某人的身軀每一吋攏燒燙燙像火炭 抱著睏攏(勿會)寒比蓋三領貂皮要燒熱
溫泉鄉的春色滿山嶺 溫泉鄉的槍子黑白彈 黑白彈
槍子槍子黑白彈 槍子黑白彈 槍子槍子黑白彈 槍子黑白彈
他們先在舞廳隨著那卡西的音樂跳恰恰 閣來就開著那台紅色的Jaguar去KTV來唱歌 兩人喝了三罐'伏特加' '祕魯'差不多嘛有一打外 他們講按呢還不夠爽想要閣去別位飲一攤 他們到底去兜位閣來就沒半個人倘知影 大家攏沒感覺這竟然是他二人最後一天的性命 他們屍體乎人發現在一間溫泉旅社的眠床腳 兩人抱做夥腹肚的槍子孔親像飯碗那麼大
溫泉鄉的春色滿山嶺 溫泉鄉的子槍黑白彈 黑白彈
槍子槍子黑白彈 槍子黑白彈 槍子槍子黑白彈 槍子黑白彈
伊絕對想不到伊的最後一攤就是朋友為伊辦出山 酒幾百打肉幾十盤還有電子花車小姐跳舞間脫衫 大家議論紛紛在猜測這樁命案到底是安怎 因為報紙寫尬花灑灑 警察嘛尬那會曉講'對不起,我們還在做調查' 有人講伊喝酒和人冤家去惹到黑社會老大 有人講伊身上帶著百多萬元遇到搶劫的流氓 有人講他們是一對苦命鴛鴦驚人來拆散 有人講是伊的牽手派人去解決他們的性命
溫泉鄉的春色滿山嶺 溫泉鄉的槍子黑白彈 黑白彈
槍子槍子黑白彈 槍子黑白彈 槍子槍子黑白彈 槍子黑白彈
後山頭的樹影晃來晃去好像孤魂野鬼的哭聲 一個哭講還沒嫁尪 一個哭講看不到他的細漢仔 遠遠不知啥人咧彈吉他 唱起彼條悲情的戀歌 伴著溫泉鄉的白色煙霧 永遠被風吹(勿會)散
溫泉鄉的春色滿山嶺 溫泉鄉的槍子黑白彈 黑白彈 槍子 槍子 黑白彈 槍子黑白彈. . .
溫泉鄉的槍子 溫泉鄉的春天 溫泉鄉的槍子 溫泉鄉的春天
------------------------------------------
17586/《溫柔鄉的銃子》Un-jiû-hiong ê Tshìng-tsí 林強Lîm Kiông
來來來 lâi lâi lâi 各位兄弟姊妹 kok-uī hiann-tī-tsí-muē 我來講予恁逐家聽 guá lâi kóng hōo lín ta̍k-ke thiann 毋是咧古早古早 m̄-sī teh kóo-tsá kóo-tsá 是發生佇咧 sī huat-sing tī-leh 九十年代臺北城 káu-tsa̍p nî-tāi Tâi-pak-siânn 故事緊張離奇 kòo-sū kín-tiunn lî-kî 芳豔刺激 xiāngyiàn cìjī 親像電影 tshin-tshiūnn tiān-iánn 佇咧頭前搬 tī-leh thâu-tsîng puann 保證聽了 pó-tsìng thiann-liáu 予恁糜飯食袂落 hōo lín muê-pn̄g tsia̍h bē-lue̍h 規工咇咇掣 kui-kang phi̍h-phi̍h-tshuah
我的朋友有一暗 guá ê pîng-iú ū-tsi̍t-àm 講欲出門啉酒洗溫泉 kóng beh tshut-mn̂g lim-tsiú sé un-tsuânn 伊就偷偷仔開車去北投 i tiō thau-thau-á khui-tshia khì Pak-tâu 揣怹彼个寶貝的小心肝 tshuē in hit ê pó-puè ê sió-sim-kuann 伊講查某人的身軀 i kóng tsa-bóo-lâng ê sin-khu 每一寸 muí tsi̍t-tshùn 攏燒燙燙像火炭 lóng sio-thǹg-thǹg tshiūnn hué-thuànn 抱咧睏 phō leh khùn 攏袂寒 lóng bē kuânn 比蓋三領貂皮 pí kah sann-niá tiau-phî 較燒熱 khah sio-jua̍h
溫泉鄉的春色 un-tsuânn-hiong ê tshun-sik 滿山嶺 muá suann-niá 溫泉鄉的銃子 un-tsuânn-hiong ê tshìng-tsí 烏白彈 oo-pe̍h tuānn 烏白彈 oo-pe̍h tuānn
銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn 銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn
怹先佇咧舞廳 in sing tī-eh bú-thiann 隨著那卡西的音樂 suî-tio̍h na-gá-sih ê im-ga̍k 跳赤赤 thiàu tshiah-tshiah 閣來就開著 koh lâi tiō khui tio̍h 彼台紅色的Jaguar hit tâi âng-sik ê Jaguar 去KTV來唱歌 khì KTV lâi tshiùnn-kua 兩个啉了三罐Vodka nn̄g-ê lim liáu sann-kuàn Vodka bì-luh差不多嘛有一打外 bì-luh tsha-put-to mā ū tsi̍t-tánn guā 怹講按呢猶無夠爽 in kóng án-ne iáu bô-kàu sóng 想欲閣去別位啉一攤 siūnn-beh koh khì pa̍t-uī lim tsi̍t-thuann
怹到底去佗位 in tàu-té khì tó-uī 閣來就無半个人通知影 koh lâi tiō bô-puànn-ê lâng thang tsai-iánn 逐家攏無感覺 ta̍k-ke lóng bô kám-kak 這竟然是 tse kìng-jiân sī 怹兩人最後一工的性命 in nn̄g-lâng tsuè-āu tsi̍t-kang ê sìnn-miā 怹的死體予人發現 in ê sí-thé hōo-lâng huat-hiān 佇一間溫泉旅社的眠床跤 tī tsi̍t-king un-tsuânn lú-siā ê bîn-tshn̂g-kha 兩人抱做伙 nn̄g-lâng phō tsò-hué 腹肚的銃子空 Find more lyrics at ※ Mojim.com pak-tóo ê tshìng-tsí-khang 親像飯碗遮爾大 tshin-tshiūnn pn̄g-uánn tsiah-nī tuā
溫泉鄉的春色 un-tsuânn-hiong ê tshun-sik 滿山嶺 muá suann-niá 溫泉鄉的銃子 un-tsuânn-hiong ê tshìng-tsí 烏白彈 oo-pe̍h tuānn 烏白彈 oo-pe̍h tuānn
銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn 銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn
伊絕對想袂到 i tsua̍t-tuì siūnn bē-kàu 伊的最後一攤 i ê tsuè-āu tsi̍t-thuann 就是朋友為伊辦出山 tiō-sī pîng-iú uī i pān tshut-suann 酒規百打 tsiú kui-pah tánn 肉幾十盤 bah kuí-tsa̍p puânn 閣有電子花車小姐 koh ū tiān-tsú hue-tshia xiǎojiě 跳舞兼褪衫 thiàu-bú kiam thǹg-sann 逐家議論紛紛 ta̍k-ke gī-lūn hun-hun 咧猜測這層命案 teh tshai-tshik tsit tsân miā-àn 到底是按怎 tàu-té sī-án-tsuánn 因為報紙寫甲花嗄嗄 in-uī pò-tsuá siá kah hue-sà-sà 警察嘛干焦會曉講 kíng-tshat mā kan-na ē-hiáu kóng 對不起我們還在做調查 duìbùqǐ wǒmen hái zài zuò diàotsá
有人講 ū-lâng kóng 伊啉酒佮人冤家 i lim-tsiú kah lâng uan-ke 去惹著烏社會老大 khì jiá-tio̍h oo-siā-huē láu-tuā 有人講伊身軀 ū-lâng kóng i sin-khu 有百外萬 ū pah-guā-bān 拄著搶劫的鱸鰻 tú-tio̍h tshiúnn-kiap ê lôo-muâ 有人講 ū-lâng kóng 怹是一對苦命鴛鴦 in sī tsi̍t-tuì khóo-miā uan-iunn 驚人來拆散 kiann lâng lâi thiah-suànn 有人講 ū-lâng kóng 是伊的牽手 sī i ê khan-tshiú 派人去解決怹的性命 phài lâng khì kái-kuat in ê sìnn-miā
溫泉鄉的春色 un-tsuânn-hiong ê tshun-sik 滿山嶺 muá suann-niá 溫泉鄉的銃子 un-tsuânn-hiong ê tshìng-tsí 烏白彈 oo-pe̍h tuānn 烏白彈 oo-pe̍h tuānn
銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn 銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn
後山頭的樹影 āu suann-thâu ê tshiū-iánn 幌來幌去 hàinn-lâi-hàinn-khì 親像孤魂野鬼的哭聲 tshin-tshiūnn koo-hûn iá-kuí ê khàu-siann 一个哭講 tsi̍t-ê khàu kóng 伊猶未嫁翁 i á-bē kè-ang 一个哭講 tsi̍t-ê khàu kóng 看袂著伊的細漢囝 khuànn bē-tio̍h i ê sè-hàn-kiánn 遠遠毋知 hn̄g-hn̄g m̄-tsai 啥人咧彈吉他 siánn-lâng teh tuânn gì-tah 唱起彼條悲情的戀歌 tshiùnn khí hit tiâu pi-tsîng ê luân-kua 伴著溫泉鄉的白色煙霧 phuānn tio̍h un-tsuânn-hiong ê pe̍h-sik ian-bū 永遠予風吹袂散 íng-uán hōo hong tshue bē-suànn
溫泉鄉的春色 un-tsuânn-hiong ê tshun-sik 滿山嶺 muá suann-niá 溫泉鄉的銃子 un-tsuânn-hiong ê tshìng-tsí 烏白彈 oo-pe̍h tuānn 烏白彈 oo-pe̍h tuānn
銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn 銃子銃子烏白彈 tshìng-tsí tshìng-tsí oo-pe̍h tuānn 銃子烏白彈 tshìng-tsí oo-pe̍h tuānn
銃子銃子 tshìng-tsí tshìng-tsí 銃子銃子 tshìng-tsí tshìng-tsí 銃子銃子 tshìng-tsí tshìng-tsí 銃子銃子 tshìng-tsí tshìng-tsí 銃子銃子 tshìng-tsí tshìng-tsí
溫泉鄉的銃子 un-tsuânn-hiong ê tshìng-tsí 烏白彈烏白彈 oo-pe̍h tuānn oo-pe̍h tuānn 溫泉鄉的春天 un-tsuânn-hiong ê tshun-thinn
溫泉鄉的銃子 un-tsuânn-hiong ê tshìng-tsí 烏白彈烏白彈 oo-pe̍h tuānn oo-pe̍h tuānn 溫泉鄉的春天 un-tsuânn-hiong ê tshun-thinn
溫泉鄉的銃子 un-tsuânn-hiong ê tshìng-tsí 烏白彈 oo-pe̍h tuānn 溫泉鄉的春天 un-tsuânn-hiong ê tshun-thinn
- Special thanks to W.B. Chen for correcting the lyric.
- Related Links: W.B. Chen
|