- 專輯介紹
- 歌詞
- 專輯列表
王俊傑
-
鳳嬌姆仔的彼擔米粉炒(王俊傑)
作詞:王俊傑 作曲:王俊傑 編曲:王俊傑
伊孤孤單單單單一個人 踮佇市場角仔 排一擔米粉炒 出入內外的人 攏會聽著伊親切的叫聲 先生小姐囝仔兄 遮坐欲愛啥
無看見有人佮伊作伴 毋怎知影伊的身世是按怎 只有一隻跛腳的烏狗佮伊來作伴 一碗四神湯 一盤米粉炒 數十年來好天落雨攏佇遮 一碗四神湯 一盤米粉炒 阮攏叫伊鳳嬌姆仔
鳳嬌姆仔咧唸歌 較唸嘛是彼首歌 鳳嬌姆仔愛唸歌 較唸嘛是唸袂煞 伊講自古紅顏多薄命 紅顏多薄命 鳳嬌姆仔彼擔米粉炒 炒著無仝款人客的運命 鳳嬌姆仔彼擔米粉炒 炒著彼個毋知影名的烏狗兄 鳳嬌姆仔彼擔米粉炒,炒著歲月流轉的變化 鳳嬌姆仔彼擔米粉炒,炒著伊已經變白的頭鬃 鳳嬌姆仔彼擔米粉炒,炒著市場內外的喝聲 鳳嬌姆仔彼擔米粉炒,炒著怹囝佇籠仔內的哭聲
伊的故事阮到大漢才知影 伊自細予人做養女 大漢為著家庭去做酒家女 無疑故熟識彼個烏狗兄 生一個囝 現在予人判無期徒 佇籠仔內咧算日頭影
--------------------------------------------------
《鳳嬌姆仔的彼擔米粉炒》Hōng-kiau-ḿ--á ê Hit Tànn Bí-hún-tshá 王俊傑Ông Tsùn-kia̍t
伊孤孤單單一个人 i koo-koo-tuann-tuann tsi̍t-ê-lâng 踮佇市場角仔 tiàm-tī tshī-tiûnn kak-á 排一擔米粉炒 pâi tsi̍t-tànn bí-hún-tshá 出入內外的人 tshut-ji̍p lāi-guā ê lâng 攏會聽著 lóng ē thiann-tio̍h 伊親切的叫聲 i tshin-tshiat ê kiò-siann 先生小姐囡仔兄 se̋n-sé xiǎojiě gín-á-hiann 遮坐 tsia tsē 欲愛啥 beh ài siánn
無看見有人佮伊做伴 bô khuànn-kìnn ū-lâng kah i tsuè-phuānn 毋知影伊的身世是按怎 m̄ tsai-iánn i ê sin-sè sī án-tsuánn 只有一隻跛跤的烏狗 tsí-ū tsi̍t-tsiah pái-kha ê oo-káu 佮伊來做伴 kah i lâi tsuè-phuānn
一碗四神湯 tsi̍t-uánn sù-sîn-thng 一盤米粉炒 tsi̍t-puânn bí-hún-tshá 數十年來 sòo-tsa̍p nî lâi 好天落雨攏佇遮 hó-thinn lo̍h-hōo lóng tī tsia 一碗四神湯 tsi̍t-uánn sù-sîn-thng 一盤米粉炒 tsi̍t-puânn bí-hún-tshá 阮攏叫伊鳳嬌姆仔 gún lóng kiò i Hōng-kiau-ḿ--á
鳳嬌姆仔咧唸歌 Hōng-kiau-ḿ--á leh liām-kua 較唸嘛是彼首歌 khah liām mā sī hit siú kua 鳳嬌姆仔愛唸歌 Hōng-kiau-ḿ--á ài liām-kua 較唸嘛是唸袂煞 khah liām mā sī liām buē suah 伊講自古紅顏多薄命 i kóng tsū-kóo hông-gân to po̍k-bīng 更多更詳盡歌詞 在 ※ Mojim.com 魔鏡歌詞網 紅顏多薄命 hông-gân to po̍k-bīng
鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著無仝款人客的運命 tshá tio̍h bô kāng-khuán lâng-kheh ê ūn-miā 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著毋知影名的烏狗兄 tshá tio̍h m̄ tsai-iánn miâ ê oo-káu-hiann 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著歲月流轉的變化 tshá tio̍h suè-gua̍t liû-tsuán ê piàn-huà 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著伊已經變白的頭鬃 tshá tio̍h i í-king piàn pe̍h ê thâu-tsang 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著市場內外的喝聲 tshá tio̍h tshī-tiûnn lāi-guā ê huah-siann 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著怹囝佇籠仔內的哭聲 tshá tio̍h in kiánn tī lông-á-lāi ê khàu-siann
伊的故事阮到大漢才知影 i ê kòo-sū gún kàu tuā-hàn tsiah tsai-iánn 伊自細予人做養女 i tsū sè hōo-lâng tsò ióng-lú 大漢為著家庭 tuā-hàn uī-tio̍h ka-tîng 去做酒家女 khì tsò tsiú-ka-lú 無疑悟熟似一个烏狗兄 bô-gî-ngōo si̍k-sāi tsi̍t-ê oo-káu-hiann 生一个囝 senn tsi̍t-ê kiánn 這馬夆判無期徒 tsit-má hông phuànn bô-kî-tôo 佇籠仔內 tī lông-á-lāi 咧算日頭影 teh sǹg ji̍t-thâu iánn
鳳嬌姆仔咧唸歌 Hōng-kiau-ḿ--á leh liām-kua 較唸嘛是彼首歌 khah liām mā sī hit siú kua 鳳嬌姆仔愛唸歌 Hōng-kiau-ḿ--á ài liām-kua 較唸嘛是唸袂煞 khah liām mā sī liām buē suah 伊講自古紅顏多薄命 i kóng tsū-kóo hông-gân to po̍k-bīng 紅顏多薄命 hông-gân to po̍k-bīng
鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著無仝款人客的運命 tshá tio̍h bô kāng-khuán lâng-kheh ê ūn-miā 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著毋知影名的烏狗兄 tshá tio̍h m̄ tsai-iánn miâ ê oo-káu-hiann 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著歲月流轉的變化 tshá tio̍h suè-gua̍t liû-tsuán ê piàn-huà 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著伊已經變白的頭鬃 tshá tio̍h i í-king piàn pe̍h ê thâu-tsang 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著市場內外的喝聲 tshá tio̍h tshī-tiûnn lāi-guā ê huah-siann 鳳嬌姆仔彼擔米粉炒 Hōng-kiau-ḿ--á hit tànn bí-hún-tshá 炒著怹囝佇籠仔內的哭聲 tshá tio̍h in kiánn tī lông-á-lāi ê khàu-siann
- 感謝 W.B. Chen 修正歌詞
- 友站連結: W.B. Chen
|