- 專輯介紹
- 歌詞
- 專輯列表
- 歌手介紹
大支
-
19470228(& 黃小柔 & 吳南穎)
作詞:大支 作曲:大支、J.Wu
差不多是時候啊 走吧 結束了 留給你的恐怕只有背影 答應我 別哭 一切都已經有夠 別哭 不值得再將目屎流 走的時候別回頭 我不能留 請你帶走你的愛 你不了解 不了解我的悲哀 我們在不同的世界 為了你好 就算這是傷害 我的不對 一開始不應該 結束時不能重來 一天過一天 我一直都是一個人 一個人睏不去 一晚過一晚 這幾冬 你是太甜太甜的夢 可惜今晚的月亮太暗 我看不到你許願的星我們有太多不同 我和你 你還有足好的日子在等你 盡管去 真的是 有緣份所以我們得到 緣分盡 我們也沒有失去到 一切隨緣吧 好不好 以後遇的到 遇不到
(副歌) 誰能了解我的哀悲 沒人可以將我安慰 這輩子注定 沒偎沒依 漂漂浪浪 沒我沒你又到深更 世界是那麼的大 時間是那麼的趕 葉子斷枝孤孤單單 這份思念要到何時才會煞
V2
我必須要去世界的另外一邊 那個所在 花不會開 天頂沒星 酒喝不醉 因為沒妳 多希望牽著你的手 陪在阮的身邊 噓 我願意 JUST TAKE ME DON'T YOU LET GO 麥放棄 我不是那種不能吃苦的查某 不同的世界渡過 相同的風雨 DID YOU KNOW我對許願的星 叫著你的名字 月亮哭給我聽 命運拖磨 我不管啦 前世人 相欠 幾世人 我的眼睛一閉 下一次擱遇到你 可能是兩三百冬 我們兩人 一步一步踩在同一條路 從開始當然也會走到結束 故事繼續 我早就猜到你會這樣這次真的不行 要讓你失望了 歹事 別問我在哪 你在哪 噓 眼睛閉上 打開雙手 OK 我帶你飛我帶你飛
(副歌) 誰能了解我的哀悲 沒人可以將我安慰 這輩子注定 沒偎沒依 漂漂浪浪 沒我沒你又到深更 世界是那麼的大 時間是那麼的趕 葉子斷枝孤孤單單 這份思念要到何時才會停止
V3
就讓我們約在那個所在 那個所在 咱的愛不會在有目屎 那個所在 一切都可以擱再重來 那個所在 你不用再 空等一個背影回來 看 花開了 流星閃過去了 今仔日就讓他醉茫茫吧 喝啦 當明天妳睡醒打開眼睛 我保證不會再有風風雨雨擾亂到世間迷失的男男女女 牽阮的手 阮不會放開 就算是我已經離開著你的身驅邊 天長地久 命運真的是將人捉弄 可能每次遇到你 紅線總是綁不緊我跟妳 你是生命最美麗的那篇歌詩 寫不完的每一個字咱會記 沒辦法得到的幸福 是妳的笑容 就像春天的風 在對旅行的人說 互相保重
(副歌)
誰能了解我的哀悲 沒人可以將我安慰 這輩子注定 沒偎沒依 漂漂浪浪 沒我沒你又到深更 世界是那麼的大 時間是那麼的趕 葉子斷枝孤孤單單 這份思念要到何時才會停止
他再也沒有回來... 這位奶奶 從此再也沒見到過他... 謹以此歌獻給所有經歷過這場苦難的人們....
------------------------------------------
《19470228》It-kiú-sù-tshit Khòng-jī Jī-pat 大支Tuā-ki 吳南穎Ngôo Lâm-íng 黃小柔N̂g Sió-jiû
↓↓(RAP)---(RAP)---(RAP)↓↓ 差不多是時陣矣 tsha-put-to sī sî-tsūn--ah 走吧結束矣 tsáu--pah kiat-sok--ah 留予你的 lâu hōo lí ê 恐驚只有背影 khióng-kiann tsí-ū puē-iánn 答應我莫哭 tah-ìng guá mài khàu 一切攏已經有夠 it-tshè lóng í-king ū-kàu 莫哭 mài khàu 無值得閣將目屎流 bô ta̍t-tit koh tsiong ba̍k-sái lâu 走的時陣莫越頭 tsáu ê sî-tsūn mài ua̍t-thâu 我袂當留 guá bē-tàng lâu 請你紮走你的愛 tshiánn lí tsah tsáu lí ê ài 你袂瞭解袂瞭解我的悲哀 lí bē liáu-kái bē liáu-kái guá ê pi-ai 咱佇無仝的世界 lán tī bô-kāng ê sè-kài 為著你好 uī-tio̍h lí hó 就算這是傷害 tō-sǹg tse sī siong-hāi 我的毋著 guá ê m̄-tio̍h 一開始無應該 tsi̍t-khai-sí bô ìng-kai 結束時袂當重來 kiat-sok sî bē-tàng tîng-lâi 一工過一工 tsi̍t-kang kuè tsi̍t-kang 我一直攏是一個人 guá it-ti̍t lóng-sī tsi̍t-ê-lâng 一個人睏袂去 tsi̍t-ê-lâng khùn bē khì 一暗過一暗 tsi̍t-àm kuè tsi̍t-àm 這幾冬 tsit kuí tang 你是傷甜傷甜的夢 lí sī siunn tinn siunn tinn ê bāng 可惜今仔暗的月娘傷暗 khó-sioh kin-á-àm ê gue̍h-niû siunn àm 我看袂著你下願的星 guá khuànn bē tio̍h lí hē-guān ê tshinn 咱有傷濟無仝 lán ū siunn tsē bô-kāng 我佮你 guá kah lí 你閣有足好的日子咧等你 lí koh ū tsiok hó ê ji̍t-tsí teh tán lí 做你去 tsò lí khì 真正是有緣份 tsin-tsiànn sī ū iân-hūn 所以咱得著的緣份了 sóo-í lán tit-tio̍h ê iân-hūn liáu 咱嘛無失去著 lán mā bô sit-khì tio̍h 一切隨緣吧 it-tshè suî-iân--pah 好毋好 hó m̄-hó 以後拄會著 í-āu tú ē tio̍h 拄袂著 tú bē tio̍h ↑↑(RAP)---(RAP)---(RAP)↑↑ ↑↑(RAP)---(RAP)---(RAP)↑↑
啥人瞭解我的哀悲 siánn-lâng liáu-kái guá ê ai-pi 無人會當將阮安慰 bô-lâng ē-tàng tsiong gún an-uì 一世人註定無倚無依 tsi̍t-sì-lâng tsù-tiānn bô-uá bô-i 漂漂浪浪啊 phiau-phiau lōng-lōng--ah 無你又到深更 bô lí iū kàu tshim-kinn 世界是遐爾仔大 sè-kài sī hiah-nī-á tuā 時間是遐爾仔趕 sî-kan sī hiah-nī-á kuánn 葉仔斷枝 hio̍h-á tn̄g ki 孤孤單單 koo-koo-tuann-tuann 這份思念 tsit hūn su-liām 愛到底時才會煞 ài kàu tī-sî tsiah ē suah 更多更詳盡歌詞 在 ※ Mojim.com 魔鏡歌詞網
↓↓(RAP)---(RAP)---(RAP)↓↓ ↓↓(RAP)---(RAP)---(RAP)↓↓ 男) 我必須愛去世界另外一爿 guá pit-su-ài khì sè-kài līng-guā tsi̍t-pîng 彼個所在 hit ê sóo-tsāi 花袂開天頂無星 hue bē khui thinn-tíng bô tshinn 酒啉袂醉 tsiú lim bē tsuì 因為無你 in-uī bô lí 偌希望牽著你的手 guā hi-bāng khan-tio̍h lí ê tshiú 陪佇阮的身軀邊 puê tī gún ê sin-khu-pinn 女) 我願意 guá guān-ì Just take me Don't you let go 莫放棄 mài hòng-khì 我毋是彼種袂當食苦的查某 guá m̄-sī hit tsióng bē-tàng tsia̍h-khóo ê tsa-bóo 無仝的世界渡過相仝的風雨 bô-kāng ê sè-kài tōo-kuè sio-kāng ê hong-hōo Did you know 我對下願的星 guá tuì hē-guān ê tshinn 叫著你的名 kiò tio̍h lí ê miâ 月娘哭予我聽 gue̍h-niû khàu hōo guá thiann 命運拖磨 miā-ūn thua-buâ 我毋管啦 guá m̄-kuán--lah 前世人相欠 tsîng-sì-lâng sio khiàm 這世人我目睭一瞌 tsit-sì-lâng guá ba̍k-tsiu tsi̍t kheh 後一改閣拄著你 āu-tsi̍t-kái koh tú-tio̍h lí 可能就是兩三百冬 khó-lîng tō-sī nn̄g-sann-pah tang 咱兩人一步一步 lán nn̄g-lâng tsi̍t-pōo-tsi̍t-pōo 踏佇仝一條路 ta̍h tī kāng tsi̍t-tiâu lōo 自開始 tsū khai-sí 當然嘛是會行到結束 tong-jiân mā sī ē kiânn kàu kiat-sok 故事繼續 kòo-sū kè-sio̍k 男) 我早就臆著你會按呢 guá tsá tō ioh-tio̍h lí ē án-ne 這改真正袂當 tsit kái tsin-tsiànn bē-tàng 愛予你失望矣 ài hōo lí sit-bōng--ah 歹勢啦 pháinn-sè--lah 莫問我佇佗 mài mn̄g guá tī tueh 女) 你佇佗 lí tī tueh? 男) 目睭瞌瞌拍開雙手, ok? ba̍k-tsiu kheh-kheh phah-khui siang-tshiú, ok? 我𤆬你飛 guá tshuā lí pue 我𤆬你飛 guá tshuā lí pue ↑↑(RAP)---(RAP)---(RAP)↑↑ ↑↑(RAP)---(RAP)---(RAP)↑↑
啥人瞭解我的哀悲 siánn-lâng liáu-kái guá ê ai-pi 無人會當將阮安慰 bô-lâng ē-tàng tsiong gún an-uì 一世人註定無倚無依 tsi̍t-sì-lâng tsù-tiānn bô-uá bô-i 漂漂浪浪啊 phiau-phiau lōng-lōng--ah 無你又到深更 bô lí iū kàu tshim-kinn 世界是遐爾仔大 sè-kài sī hiah-nī-á tuā 時間是遐爾仔趕 sî-kan sī hiah-nī-á kuánn 葉仔斷枝 hio̍h-á tn̄g ki 孤孤單單 koo-koo-tuann-tuann 這份思念 tsit hūn su-liām 愛到何時才會煞 ài kàu hô-sî tsiah ē suah
↓↓(RAP)---(RAP)---(RAP)↓↓ ↓↓(RAP)---(RAP)---(RAP)↓↓ 就予咱約佇彼個所在 tō hōo lán iok tī hit ê sóo-tsāi 彼個所在 hit ê sóo-tsāi 咱的愛袂閣再有目屎 lán ê ài bē koh-tsài ū ba̍k-sái 彼個所在 hit ê sóo-tsāi 一切攏會當閣再重來 it-tshè lóng ē-tàng koh-tsài tîng-lâi 彼個所在 hit-ê sóo-tsāi 你免閣再空等一個背影轉來 lí bián koh-tsài khang tán tsi̍t-ê puē-iánn tńg--lâi 看 khuànn 花開矣 hue khui--ah 流星閃過去矣 liû-tshenn siám kuè-khì--ah 今仔日就予伊醉茫茫吧 kin-á-ji̍t tō hōo i tsuì-bâng-bâng--pah 啉吧 lim--pah 當明仔載你睏醒拍開目睭 tng bîng-á-tsài lí khùn-tshénn phah-khui ba̍k-tsiu 我保證袂閣再有風風雨雨 guá pó-tsìng bē koh-tsài ū hong-hong-ú-ú 擾亂著世間迷失的男男女女 jiáu-luān tio̍h sè-kan bê-sit ê lâm-lâm-lú-lú 牽阮的手 khan gún ê tshiú 阮袂放開 gún bē pàng--khui 就算是阮已經離開著你的身軀邊 tō-sǹg-sī gún í-king lī-khui tio̍h lí ê sin-khu-pinn 天長地久 thinn tn̂g tē kú 命運真正是共人創治 miā-ūn tsin-tsiànn sī kā lâng tshòng-tī 可能逐遍拄著你 khó-lîng ta̍k-piàn tú-tio̍h lí 紅線總是縛袂絚 âng-suànn tsóng--sī pa̍k bē ân 我佮你 guá kah lí 你是性命上美麗的彼篇歌詩 lí sī sènn-miā siōng bí-lē ê hit phinn kua-si 寫袂了的逐個字 siá bē liáu ê ta̍k-ê jī 咱會記得 lán ē-kì-tit 無法度得著的幸福 bô-huat-tōo tit-tio̍h ê hīng-hok 是你的笑容 sī lí ê tshiò-iông 就像春天的風 tō tshiūnn tshun-thinn ê hong 咧共旅行的人講 leh kā lú-hîng ê lâng kóng 互相保重 hōo-siong pó-tiōng ↑↑(RAP)---(RAP)---(RAP)↑↑
啥人瞭解我的哀悲 siánn-lâng liáu-kái guá ê ai-pi 無人會當將阮安慰 bô-lâng ē-tàng tsiong gún an-uì 一世人註定無倚無依 tsi̍t-sì-lâng tsù-tiānn bô-uá bô-i 漂漂浪浪啊 phiau-phiau lōng-lōng--ah 無你又到深更 bô lí iū kàu tshim-kinn 世界是遐爾仔大 sè-kài sī hiah-nī-á tuā 時間是遐爾仔趕 sî-kan sī hiah-nī-á kuánn 葉仔斷枝 hio̍h-á tn̄g ki 孤孤單單 koo-koo-tuann-tuann 這份思念 tsit hūn su-liām 愛到何時才會煞 ài kàu hô-sî tsiah ē suah
- 感謝 John Wen W.B. Chen 修正歌詞
- 友站連結: W.B. Chen
|