- 专辑介绍
- 歌词
- 专辑列表
- 歌手介绍
青虫
-
⼤树公
作词:吉尼 作曲:吉尼
我恬恬徛伫遮 看世界的变化 三百冬前风tshuā我来遮 我犹阁是一个囡仔
我恬恬徛伫遮 隔壁有一个阿兄 两百冬前犹阁真勇健 为我闸风挡雨拢毋惊
有一日来了几只动物 阿兄讲叫做人类 人类讲阿兄发甲真直真媠 一定会当换袂少钱
我恬恬徛伫遮 看世界的变化 三百冬前风tshuā我来遮 我犹阁是一个囡仔
我恬恬徛伫遮 隔壁徙来一个庄仔 一百冬前叫我大树公 为我起庙 对我真感谢
有一暝村长来跋pue请示 伊讲新路欲对我遮过 大树公你挡伫路中央 欲徙开嘛是姑不而将
来到这个世界两三百年 看过遐济代志袂当插喙 遮尔济的痛苦吞落腹肚 强欲袂喘气
来到这个世界两三百年 看过遐济代志袂当插喙 遮尔济的朋友来来去去 我嘛放袂离
我恬恬徛伫遮 看世界的变化 三百冬前风tshuā我来遮 我犹阁是一个囡仔
我恬恬徛伫遮 这马蹛伫一个册橱仔 我的身躯变做一张一张纸 阮朋友的故事拢写伫遮
------------------------------------------
7096/《大树公》Tuā-tshiū-kong 青虫Tshing-huí
我恬恬徛伫遮 guá tiām-tiām khiā tī tsia 看世界的变化 khuànn sè-kài ê piàn-huà 三百冬前 sann-pah-tang tsîng 风𤆬我来遮 hong tshuā guá lâi tsia 我犹阁是一个囡仔 guá iáu-koh sī tsi̍t-ê gín-á
我恬恬徛伫遮 guá tiām-tiām khiā tī tsia 隔壁有一个阿兄 keh-piah ū tsi̍t-ê a-hiann 两百冬前 nn̄g-pah-tang tsîng 犹阁真勇健 iáu-koh tsin ióng-kiānn 为我闸风挡雨 uī guá tsa̍h-hong tòng-hōo 拢毋惊 lóng m̄-kiann
有一日 ū-tsi̍t-ji̍t 来了几只动物 lâi liáu kuí tsiah tōng-bu̍t 阿兄讲怹叫做人类 a-hiann kóng in kiò-tsuè jîn-luī 人类讲 jîn-luī kóng 阿兄发甲真直真媠 a-hiann huat kah tsin ti̍t tsin suí 一定会当换袂少钱 it-tīng ē-tàng uānn buē-tsió tsînn
我恬恬徛伫遮 guá tiām-tiām khiā tī tsia 看世界的变化 khuànn sè-kài ê piàn-huà 三百冬前 sann-pah-tang tsîng 风𤆬我来遮 hong tshuā guá lâi tsia 更多更详尽歌词 在 ※ Mojim.com 魔镜歌词网 我犹阁是一个囡仔 guá iáu-koh sī tsi̍t-ê gín-á
我恬恬徛伫遮 guá tiām-tiām khiā tī tsia 隔壁徙来一个庄仔 keh-piah suá lâi tsi̍t-ê tsng-á 一百冬前 tsi̍t-pah-tang tsîng 怹叫我大树公 in kiò guá tuā-tshiū-kong 为我起庙 uī guá khí-biō 对我真感谢 tuì guá tsin kám-siā
有一暝 ū tsi̍t-mê 村长来跋桮请示 tshuan-tiúnn lâi pua̍h-pue tshíng-sī 伊讲新路 i kóng sin-lōo 欲对我遮过 beh tuì guá tsia kuè 伊讲大树公 tuā tshiū kong 你挡伫路中央 lí tòng tī lōo tiong-ng 欲徙开 beh suá--khui 嘛是姑不而将 mā sī koo-put-jî-tsiong
来到这个世界 lâi-kàu tsit-ê sè-kài 两三百年 nn̄g-sann-pah nî 看过遮济代志 khuànn-kuè tshiah tsuē tāi-tsì 袂当插喙 buē-tàng tshap-tshuì 遐尔济的痛苦 hiah-nī tsuē ê thòng-khóo 吞落腹肚 thun lo̍h pak-tóo 强欲袂喘气 kiōng-bueh buē tshuán-khuì
来到这个世界 lâi-kàu tsit-ê sè-kài 两三百年 nn̄g-sann-pah nî 看过遮济代志 khuànn-kuè tsiah tsuē tāi-tsì 袂当插喙 buē-tàng tshap-tshuì 遐尔济的朋友 hiah-nī tsuē ê pîng-iú 来来去去 lâi-lâi-khì-khì 我也放袂离 guá iā pàng buē-lī
我恬恬徛伫遮 guá tiām-tiām khiā tī tsia 看世界的变化 khuànn sè-kài ê piàn-huà 三百冬前 sann-pah-tang tsîng 风𤆬我来遮 hong tshuā guá lâi tsia 我犹阁是一个囡仔 guá iáu-koh sī tsi̍t-ê gín-á 我恬恬徛伫遮 guá tiām-tiām khiā tī tsia 这马蹛伫一个册橱仔 tsit-má tuà tī tsi̍t-ê tsheh-tû-á 我的身躯 guá ê sin-khu 变做一张一张纸 pìnn-tsuè tsi̍t-tiunn tsi̍t-tiunn tsuá 阮朋友的故事 gún pîng-iú ê kòo-sū 拢写伫遮 lóng siá tī tsia
- 感谢 W.B. Chen 修正歌词
- 友站连结: W.B. Chen
|