- 专辑介绍
- 歌词
- 专辑列表
- 歌手介绍
张三李四
-
劫
feat. 曹雅雯
作词:武雄 作曲:张三、钟兴民
彼天旧历七月初七 拄好他有排到放假 打一张思念的车票 欲回去看他的某囝 自从两人结婚至今 他就因为任务出外 亲像牛郎织女 毋是逐工作伴
最近外面传来风声 坏人欲提他的性命 惊会拖累厝内大小 毋敢通知乎(亻因)知影 只好躲在庙口偷看 偷看他某去拜娘母 谁知囡仔一个越头 雄雄叫一声阿爸
人生啊人生 命运啊命运 天公伯啊 到底是为按怎 隔转天新闻报真大 一声阿爸 断送他某囝性命
侥幸啊侥幸 心痛啊心痛 天公伯啊 敢正经有在看 看伊身驱 亦搁块行 但是灵魂 早就已经躺平
彼天新历八月初八 他提烧酒来到墓地 避开清明扫墓的人 专工来拜他的老爸 会记彼年的父亲节 顶面打来一通电话 叫他阿爸去抓坏人 谁知从此一去不回 他的心痛欲如何体会 他的心愿会使人敬佩 相信世间要有黑白 决心追随他的老爸 坏人知影毋放伊过 早就派人四界走找 当伊举杯敬伊老爸 阵阵枪声叫醒天地
人生啊人生 命运啊命运 天公伯啊 到底是为按怎 隔转天的新闻报真大 一粒铳子 结束了伊的生命
侥幸啊侥幸 心痛啊心痛 天公伯啊 敢正经有块看 看他的身驱 倒踮伫彼 但是灵魂 搁在佮坏人车拼
彼天正是九月初九 一座灵堂设伫他家 相片的人真正缘投 一别千古告别今朝 经文边唸哀乐边奏 拈香的人目屎边流 礼生引导礼成之后 大厝就要离开他家
伊的老母已经年老 一支枴仔边摃边吼 我的心肝你真不孝 我还没死你就先走 阵阵鼓吹沿路带头 长长的路叫谁捀斗 英年早逝音容渺渺 一步一步送上山头
人生啊人生 命运啊命运 天公伯啊 到底是为按怎 隔转天新闻并无写 一个英雄 牺牲了伊的性命
侥幸啊侥幸 心痛啊心痛 天公伯啊 你若有灵有圣 你讲乎我听 你讲乎我听 黑白是非到底欲叫谁审判
正义两字 到底欲按怎写
------------------------------------------
22639/《劫》Kiap 张三李四乐团Tiunn-sam Lí-sù Ga̍k-thuân 曹雅雯Tsô Ngá-bûn
彼工旧历七月初七 hit-kang kū-li̍k tshit-gue̍h tshe-tshit 拄好伊有排著放假 tú-hó i ū pâi tio̍h pàng-ká 拍一张思念的车票 phah tsi̍t-tiunn su-liām ê tshia-phiò 欲转去看伊的某囝 beh tńg-khì khuànn i ê bóo-kiánn
自从两人结婚到今 tsū-tsiông nn̄g-lâng kiat-hun kàu-tann 伊就因为任务出外 i tiō in-uī jīm-bū tshut-guā 亲像牛郎织女 tshin-tshiūnn Gû-nn̂g Tsit-lú 毋是逐工做伴 m̄-sī ta̍k-kang tshuè-phuānn
最近外面传来风声 tsuè-kīn guā-bīn thuân-lâi hong-siann 歹人欲挃伊的性命 pháinn-lâng beh ti̍h i ê sìnn-miā 惊会拖累厝内大细 kiann ē thua-luī tshù-lāi tuā-sè 毋敢通知予怹知影 m̄-kánn thong-ti hōo in tsai-iánn
只好覕踮庙口偷看 tsí-hó bih tiàm biō-kháu thau-khuànn 偷看怹某去拜娘妈 thau-khuànn in bóo khì pài niû-má 谁知囡仔一下越头 siáng tsai gín-á tsi̍t-ē ua̍t-thâu 雄雄叫一声阿爸 hiông-hiông kiò tsi̍t-siann a-pah
人生啊人生 jîn-sing--ah jîn-sing 运命啊运命 ūn-miā--ah ūn-miā 天公伯仔 thinn-kong-peh--á 到底是为按怎 tàu-té sī uī-án-tsuánn 隔转工新闻报真大 keh-tńg-kang sin-bûn pò tsin tuā 一声阿爸 tsi̍t-siann a-pa 断送怹某囝性命 tn̄g-sàng in bóo-kiánn sìnn-miā
侥幸喔侥幸 hiau-hīng--ooh hiau-hīng 心疼啊心疼 sim thiànn--ah sim thiànn 天公伯仔 thinn-kong-peh--á 敢正经有咧看 kám tsìng-king ū leh khuànn 我看伊的身躯 guá khuànn i ê sin-khu 犹阁咧行 iáu-koh leh kiânn 但是灵魂 tān-sī lîng-hûn 早已经落车 tsá í-king lo̍h-tshia
↓↓(RAP)---(RAP)↓↓ 彼工新历八月初八 hit-kang sin-li̍k peh-gue̍h tshe-peh 伊捾烧酒来到墓地 i kuānn sio-tsiú lâi-kàu bōng-tē 更多更详尽歌词 在 ※ Mojim.com 魔镜歌词网 避开清明扫墓的人 phiah-khui tshing-bîng sàu-bōng ê lâng 专工来拜伊的老爸 tsuan-kang lâi pài i ê lāu-pē 会记得彼年的父亲节 ē-kì-tit hit-nî ê hū-tshin-tsiat 顶面敲来一通电话 tíng-bīn khà lâi tsi̍t-thong tiān-uē 叫怹阿爸去掠歹人 kiò in a-pah khì lia̍h pháinn-lâng 谁知从此一去不回 siáng tsai tsiông-tshú tsi̍t-khì put-huê
伊的心疼如何体会 i ê sim-thiànn jû-hô thé-huē 伊的心愿使人敬佩 i ê sim-guān sú-lâng kìng-puē 相信世间爱有乌白 siong-sìn sè-kan ài ū oo-pe̍h 决心缀伊的老爸 kuat-sim tuè i ê lāu-pē 歹人知影毋放伊过 pháinn-lâng tsai-iánn m̄ pàng i kuè 早就派人四界走揣 tsá tiō phài lâng sì-kè tsáu-tshuē 当伊捀杯敬怹老爸 tng i phâng pue kìng in lāu-pē 阵阵铳声叫醒天地 tsūn-tsūn tshìng-siann kiò-tshínn thinn-tē ↑↑(RAP)---(RAP)↑↑
人生啊人生 jîn-sing--ah jîn-sing 运命啊运命 ūn-miā--ah ūn-miā 天公伯仔 thinn-kong-peh--á 到底是为按怎 tàu-té sī uī-án-tsuánn
↓↓(RAP)---(RAP)↓↓ 隔转工的新闻 keh-tńg-kang ê sin-bûn 报真大 pò tsin tuā 真大 tsin tuā 一粒铳子 tsi̍t-lia̍p tshìng-tsí 结束了伊的性命 kiat-sok liáu i ê sìnn-miā ↑↑(RAP)---(RAP)↑↑
侥幸喔侥幸 hiau-hīng--ooh hiau-hīng 心疼啊心疼 sim thiànn--ah sim thiànn 天公伯仔 thinn-kong-peh--á 敢正经有咧看 kám tsìng-king ū teh khuànn
↓↓(RAP)---(RAP)↓↓ 我看伊的身躯 guá khuànn i ê sin-khu 倒踮伫遐 tó tiàm tī hia 但是灵魂 tān-sī lîng-hûn 阁咧佮歹人捙拼 koh leh kah pháinn-lâng tshia-piànn ↑↑(RAP)---(RAP)↑↑
↓↓(RAP)---(RAP)↓↓ 彼工正是九月初九 hit-kang tsiànn-sī káu-gue̍h tshe-káu 一座灵堂设伫怹兜 tsi̍t-tsō lîng-tn̂g siat tī in tau 相片的人真正缘投 siòng-phìnn ê lâng tsin-tsiànn iân-tâu 一别千古告别今朝 it-pa̍t tshian-kóo kò-pia̍t kim-tiau 经文那唸哀乐那奏 king-bûn ná liām ai-ga̍k ná tsàu 拈香的人目屎那流 liam-hiunn ê lâng ba̍k-sái ná lâu 礼生引导礼成以后 lé-sing ín-tō lé-sîng í-āu 大厝就欲离开怹兜 tuā-tshù tiō beh lī-khui in tau
伊的老母已经年老 i ê lāu-bú í-king nî-lāu 一支枴仔那摃那吼 tsi̍t-ki kuái-á ná kòng ná háu 我的心肝仔你真不孝 guá ê sim-kuann-á lí tsin put-hàu 我犹未死你就先走 guá iáu-buē sí lí tō sing tsáu 阵阵鼓吹沿路𤆬头 tsūn-tsūn kóo-tshue iân-lōo tshuā-thâu 长长的路叫谁捀斗 tn̂g-tn̂g ê lōo kiò siáng phâng-táu 英年早失音容渺渺 ing-liân tsá-sit im-iông biáu-biáu 一步一步送上山头 tsi̍t-pōo-tsi̍t-pōo sàng-tsiūnn suann-thâu ↑↑(RAP)---(RAP)↑↑
人生啊人生 jîn-sing--ah jîn-sing 运命啊运命 ūn-miā--ah ūn-miā 天公伯仔 thinn-kong-peh--á 到底是为按怎 tàu-té sī uī-án-tsuánn
↓↓(RAP)---(RAP)↓↓ 隔转工新闻并无写 keh-tńg-kang sin-bûn pīng bô siá 一个英雄 tsi̍t-ê ing-hiông 牺牲了伊的性命 hi-sing liáu i ê sìnn-miā ↑↑(RAP)---(RAP)↑↑
侥幸喔侥幸 hiau-hīng--ooh hiau-hīng 心疼啊心疼 sim thiànn--ah sim thiànn 天公伯仔 thinn-kong-peh--á 你若有灵有圣 lí nā ū-lîng ū-siànn 请你讲予我听 tshiánn lí kóng hōo guá thiann 你讲予我听 lí kóng hōo guá thiann 乌白是非 oo-pe̍h sī-hui 到底欲叫谁审判 tàu-té beh kiò siáng sím-phuànn
正义两字 tsìng-gī nn̄g-jī 到底欲按怎写 tàu-té beh án-tsuánn siá
- 感谢 55688 5678 W.B. Chen 修正歌词
- 友站连结: W.B. Chen
|