- 专辑介绍
- 歌词
- 专辑列表
王俊杰
-
寂寞的岛(王昭华)
作词:王昭华 作曲:王昭华 编曲:王俊杰
日志拆过明仔载 单纯的期待 细汉、大汉的囡仔 想啥无人知 毋捌家己行的路 憨胆的跤步 尻脊胼的册揹仔 新的作业簿
平安出入的港口 鱼网网希望 细只、大只的船仔 辛苦讨海人 远远的海平线 天色起乌阴 雨欲落来风咧透 总是袂按算
海 海 你渥著无 落 落 雨喢喢落 佗 佗 寂寞的岛 好 好 妹仔入学
遐呢阔的海洋 啖著煞咸剁剁 细尾、大尾的鱼仔 目屎无人看兮 咸水透汫水 若盐花仔豉嘴舌 涂肉含雨水 草仔枝足甘甜
遐呢媠的海墘 咾咕石礁硞硞 细阵、大阵的雨水 即时安慰人 远远的人生路 路里敢有伴 人咧行啊天咧看 总是袂孤单
---------------------------------------------
作词:王昭华 作曲:王昭华 编曲:王俊杰
《寂寞的岛》Tsi̍k-bo̍k ê Tó 王昭华 Ông Tsiau-huâ
日志拆过明仔载 ji̍t-tsì thiah kuè bîn-á-tsài 单纯的期待 tan-sûn ê kî-thāi 细汉大汉的囡仔 sè-hàn tuā-hàn ê gín-á 想啥无人知 siūnn siánn bô-lâng tsai 毋捌家己行的路 m̄-bat ka-kī kiânn ê lōo 戆胆的跤步 gōng-tánn ê kha-pōo 尻脊骿的册揹仔 kha-tsiah-phiann ê tsheh-phāinn-á 新的作业簿 sin ê tsok-gia̍p-phōo
平安出入的港口 pîng-an tshut-ji̍p ê káng-kháu 鱼网网希望 hî-bāng bāng hi-bāng 细只大只的船仔 sè-tsiah tuā-tsiah ê tsûn-á 辛苦讨海人 sin-khóo thó-hái-lâng 远远的海平线 hn̄g-hn̄g ê hái-pîng-suànn 天色起乌阴 thinn-sik khí oo-im 雨欲落来风咧透 更多更详尽歌词 在 ※ Mojim.com 魔镜歌词网 hōo beh lo̍h-lâi hong teh thàu 总是袂按算 tsóng-sī bē àn-sǹg
海海 hái, hái 你沃著无 lí ak--tio̍h bô 落落 lo̍h, lo̍h 雨㴙㴙落 hōo tsha̍p-tsha̍p lo̍h 佗佗 toh, toh 寂寞的岛 tsi̍k-bo̍k ê tó 好好 hó, hó 妹仔入学 mē-á ji̍p-o̍h
遐尔阔的海洋 hiah-nī khuah ê hái-iûnn 啖著煞咸剁剁 tam--tio̍h suah kiâm tok-tok 细尾大尾的鱼仔 sè-bué tuā-bué ê hî-á 目屎无人看着 ba̍k-sái bô-lâng khuànn--tio̍h 咸水透汫水 kiâm-tsuí thàu tsiánn-tsuí 若盐花仔豉喙舌 nā iâm-hue-á sīnn tshuì-tsi̍h 涂肉含雨水 thôo-bah kânn hōo-tsuí 草仔枝足甘甜 tsháu-á-ki tsiok kam-tinn
遐尔媠的海墘 hiah-nī suí ê hái-kînn 硓𥑮石礁硞硞 lóo-kóo-tsio̍h ta kho̍k-kho̍k 细阵大阵的雨水 sè-tsūn tuā-tsūn ê hōo-tsuí 即时安慰人 tsik-sî an-uì lâng 远远的人生路 hn̄g-hn̄g ê jîn-sing lōo 路里敢有伴 lōo--lìn kám ū phuānn 人咧行啊天咧看 lâng teh kiânn--ah thinn teh khuànn 总是袂孤单 tsóng--sī bē koo-tuann
海海 hái, hái 你沃著无 lí ak--tio̍h bô 落落 lo̍h, lo̍h 雨㴙㴙落 hōo tsha̍p-tsha̍p lo̍h 佗佗 toh, toh 寂寞的岛 tsi̍k-bo̍k ê tó 好好 hó, hó 妹仔入学 mē-á ji̍p-o̍h
- 感谢 W.B. Chen 修正歌词
- 友站连结: W.B. Chen
|