- 专辑介绍
- 歌词
- 专辑列表
- 歌手介绍
林俊逸
-
伴
作词:林俊逸 作曲:林俊逸
夕阳为街路点胭脂 红霞一下著满满规片天 家家户户暗顿 煮食的芳味 伫涂跤的背影 是我家己
看人悲伤欢喜 跋倒阁徛起 笑笑面对世间的稀微
一双箸 一个人 一桌菜 一支喙 一顿饭 一个愿 一世人 一个字
你的故事有我的心声 我的歌声有你的悲欢 三五分钟 目屎笑容咱公家一半 一人一半 有伴着袂孤单
走唱到今毋知偌济冬 我攑“麦克” 分担你的心情
一条路 一段情 一片天 一支喙 一首歌 一段诗 一世人 一个字
一条路 一段情 一个家 咱斗阵来扞 你的手 予我来牵 一世人 一个伴
感谢你做我的伴 听我唱歌 听我唱歌 听我唱歌
------------------------------------------
21507/《伴》Phuānn 林俊逸Lîm Tsùn-i̍t
夕阳为街路 si̍k-iông uī ke-lōo 点胭脂 tiám ian-tsi 红霞一下 âng-hê tsi̍t-ē 就满满规片天 tō muá-muá kui-phiàn thinn 家家户户暗顿 ke-ke-hōo-hōo àm-tǹg 煮食的芳味 tsú-tsia̍h ê phang-bī 伫涂跤的背影 tī thôo-kha ê puē-iánn 是我家己 sī guá ka-tī
看人悲伤欢喜 khuànn-lâng pi-siong huann-hí 跋倒阁徛起 pua̍h-tó koh khiā-khí 笑笑面对 tshiò-tshiò bīn-tuì 世间的稀微 sè-kan ê hi-bî
一双箸 tsi̍t-siang tī 一个人 tsi̍t-ê lâng 一桌菜 tsi̍t-toh tshài 一支喙 tsi̍t-ki tshuì 一顿饭 tsi̍t-tǹg pn̄g 一个愿 更多更详尽歌词 在 ※ Mojim.com 魔镜歌词网 tsi̍t-ê guān 一世人 tsi̍t-sì-lâng 一个字 tsi̍t-ê jī
你的故事 lí ê kòo-sū 有我的心声 ū guá ê sim-siann 我的歌声 guá ê kua-siann 有你的悲欢 ū lí ê pi-huan 三五分钟 sann-gōo hun-tsing 目屎笑容 ba̍k-sái tshiò-iông 咱公家一半 lán kong-ke tsi̍t-puànn 一人一半 tsi̍t-lâng tsi̍t-puànn 有伴就袂孤单 ū phuānn tiō bē koo-tuann
走唱到今 tsáu-tshiùnn kah-tann 毋知偌济冬 m̄-tsai guā-tsuē tang 我攑mài-kuh guá gia̍h mài-kuh 分担你的心情 hun-tam lí ê sim-tsîng
一条路 tsi̍t-tiâu lōo 一段情 tsi̍t-tuānn tsîng 一片天 tsi̍t-phiàn thinn 一支喙 tsi̍t-ki tshuì 一首歌 tsi̍t-siú kua 一段诗 tsi̍t-tuānn si 一世人 tsi̍t-sì-lâng 一个字 tsi̍t-ê jī
一条路 tsi̍t-tiâu lōo 一段情 tsi̍t-tuānn tsîng 一个家 tsi̍t-ê ke 咱斗阵来扞 lán tàu-tīn lâi huānn 你的手 lí ê tshiú 予我来牵 hōo guá lâi khan 一世人 tsi̍t-sì-lâng 一个伴 tsi̍t-ê phuānn
感谢你做我的伴 kám-siā lí tsò guá ê phuānn 听我唱歌 thiann guá tshiùnn-kua 听我唱歌 thiann guá tshiùnn-kua 听我唱歌 thiann guá tshiùnn-kua
- 感谢 W.B. Chen 修正歌词
- 友站连结: W.B. Chen
|