- 专辑介绍
- 歌词
- 专辑列表
- 歌手介绍
黄妃
-
画你
作词:十方 作曲:徐伟铭
我伫土跤画一个你,佮你讲话坐你身边 两人情话绵绵,两人笑容微微,亲像你拢毋捌离开
我伫茶杯画一个你,佮你创治笑你戆面 两人成双成对,两人海角天边,毋看自己为你伤的心
怎样画来画去画袂成,原来爱是画袂出的形 日头已经拍毋见,风雨落袂停,你放阮一个人想你
怎样画来画去画袂像,原来人拢画袂出痴情 时间这枝铅笔,黑白画人生,心中有刺,你这马是伫佗位
伫手中心画一个你,提好牢牢毋愿打开 毋甘随风飞去,毋甘目睭金金,毋甘你我无幸福两字
怎样画来画去画袂成,原来爱是画袂出的形 日头已经拍毋见,风雨拢袂停,你放阮一个人想你
怎样画来画去画袂像,原来人拢画袂出痴情 时间这枝铅笔,黑白画人生,心中有刺,你这马伫佗位
------------------------------------------------
《画你》Uē Lí 黄妃 N̂g Hui
我伫涂跤画一个你 guá tī thôo-kha uē tsi̍t-ê lí 佮你讲话坐你身边 kah lí kóng-uē tsē lí sin-pinn 两人情话绵绵 nn̄g-lâng tsîng-uē mî-mî 两人笑容微微 nn̄g-lâng tshiò-iông bî-bî 亲像你拢毋捌离开 tshin-tshiūnn lí lóng m̄-bat lī-khui
我伫茶杯画一个你 guá tī tê-pue uē tsi̍t-ê lí 共你创治笑你戆面 kā lí tshòng-tī tshiò lí gōng-bīn 两人成双成对 nn̄g-lâng sîng-siang sîng-tuì 两人海角天边 nn̄g-lâng hái-kak thinn-pinn 毋看家己为你伤的心 m̄-khuànn ka-tī uī lí siong ê sim
怎样画来画去画袂成 tsuánn-iūnn uē lâi uē khì uē buē sîng 原来爱是画袂出的形 guân-lâi ài sī uē buē tshut ê hîng 日头已经拍毋见 更多更详尽歌词 在 ※ Mojim.com 魔镜歌词网 ji̍t-thâu í-king phàng-kìnn 风雨落袂停 hong-hōo lo̍h buē thîng 你放阮一个人想你 lí pàng gún tsi̍t-ê-lâng siūnn lí
怎样画来画去画袂成 tsuánn-iūnn uē lâi uē khì uē buē sîng 原来人拢画袂出痴情 guân-lâi lâng lóng uē buē tshut tshi-tsîng 时间这枝铅笔 sî-kan tsit ki iân-pit 乌白画人生 oo-pe̍h uē jîn-sing 心中有刺 sim-tiong ū tshì 你这马是伫佗位 lí tsit-má sī tī tó-uī
伫手中心画一个你 tī tshiú tiong-sim uē tsi̍t-ê lí 提予牢牢 the̍h hōo tiâu-tiâu 毋愿拍开 m̄-guān phah khui 毋甘随风飞去 m̄-kam suî hong pue khì 毋甘目睭金金 m̄-kam ba̍k-tsiu kim-kim 毋甘你我 m̄-kam lí guá 无幸福两字 bô hīng-hok nn̄g-jī
怎样画来画去画袂成 tsuánn-iūnn uē lâi uē khì uē buē sîng 原来爱是画袂出的形 guân-lâi ài sī uē buē tshut ê hîng 日头已经拍毋见 ji̍t-thâu í-king phàng-kìnn 风雨落袂停 hong-hōo lo̍h buē thîng 你放阮一个人想你 lí pàng gún tsi̍t-ê-lâng siūnn lí
怎样画来画去画袂成 tsuánn-iūnn uē lâi uē khì uē buē sîng 原来人拢画袂出痴情 guân-lâi lâng lóng uē buē tshut tshi-tsîng 时间这枝铅笔 sî-kan tsit ki iân-pit 乌白画人生 oo-pe̍h uē jîn-sing 心中有刺 sim-tiong ū tshì 你这马伫佗位 lí tsit-má tī tó-uī
- 感谢 Kris 提供歌词
- 感谢 W.B. Chen 修正歌词
- 友站连结: W.B. Chen
|